Ukraine tan U2, The Rolling Stones leh Pink inlan dawn

Indona hmachhawn mek Ukraine chhawm-dawlna tur concert, "Live Aid-style" benefit concert-a zai turte an hram dawn hle. June 24-a Wembley Stadium-a neih turah hian U2, The Rolling Stones, Pink bakah zaithiam ṭhahnem tak dangte an inlan dawn.

Russia leh Ukraine indona kal zelah zaithiamte chu rawn penchhuakin, concert kaltlanga an sum hmuhte hi Ukraine mipui chhawmdawlna atan an hmang dawn a ni.

Heng zaithiamte bakah hian, Sir Paul McCartney, Adele, Florence and the Machine leh, Noel Gallagher-te chu Ukraine mite leh President Volodymyr Zelensky an thlawp zia lantir tura sawm zingah an tel a, an tel thei dawn em tih erawh hriat a la ni lo.

ITV leh Livewire Pictures chuan nikum March thla khan "Concert for Ukraine" hi an lo huaihawt tawh a, a hlawhtling hle. Ed Sheeran leh Billie Eilish-te pawh inlanin, he concert hian USD mtd 13 chuang zet a hailut a ni.