Channing Tatum leh Braun an thawkdun dawn

'Step Up' actor Channing Tatum leh Justin Bieber manager Scooter Braun chu 'Lady Macbeth' film siam thar turah producer an ni dawn tih The Hollywood Reporter chuan a tarlang.

Amazon Studio chuan hemi atan hian hma an la mek a, Lady Macbeth hi William Shakespeare lehkhabu ziah Macbeth-a mi kha a ni a, film hming tur hi tarlan a nih loh bakah chanchin kim chang an la tarlang lo bawk.

Tatum hian Free Association produc­tion company kaltlangin a produce dawn a, Reid Carolin, Peter Kiernan leh Michael Parets-te a thawhpui ang. Braun hian a SB Projects company kaltlangin a produce dawn a thung a, Scott Manson leh James Shin a thawhpui dawn a ni.