US khawpui pakhat Taylor Swift hmingin thlak dawn

Glendale, Arizona-a official-te chuan Taylor Swift-i'n US Tour a khuhhawnna atana an khawpui a thlan avanga an lawmzia leh an chawimawina atan, an khawpui chu a hming an puttir dawn tih an puang.

Swift hian March 17 aṭangin Glendale-a State Farm Stadium-ah 'The Eras tour' hi a khuhhawng dawn a, official-te chuan hei hi an ngaihlu hle tih lantirnan an khawpui hming chu an thlak lailawk dawn tih an puang a ni.

Glendale mayor Jerry Weiers chuan vawiin hian an khawpui hming thar tur hi a puan rin a ni a, March 17-18 chhunga Taylor-i'n Glendale-a hun a hman chhung zawngin an khawpui hming chu artist hming hi a puttir rih dawn tih a sawi.