Toni Braxton-in album thar a hnai

Kum 52 mi lai ni tawh 'Unbreak My Heart' hitmaker Toni Braxton chuan tun thla ni 28 hian 'Spell My Name' album a tlangzarh dawn.

A album thar tur vuak 'hot' nan hian a album-a mi tur 'Do It' chu April 6 khan a tichhuak a, he hla hi a hnuah hmeichhe rapper lar tak Missy Elliott nen an remix zui bawk.

Kar liam ta Zirtawpni khan a album thar tura mi tho 'Dance' chu a tichhuak leh a ni. A vanglai angin huhang ngah tawh lo mah se, R&B music khawvel a sulhnu nei ṭha berte zinga mi a nih avangin a studio album 10-na tur hi a fan-te chuan an la ngaihven hle.