Drake leh 21 Savage te'n 'It’s All A Blur' tour nei dawn

Grammy Award vawi li lai lo dawng tawh, Canadian rapper Drake chuan arena 29-ah 'It’s All a Blur' Tour a nei dawn tih nimin khan a puang. He tour hi New Orleans-ah June 16 aṭanga ṭanin, September 5 hian Glendale, Arizona-ah a kharna hun a hmang ang.

Drake hian nikum khan 21 Savage nen joint album 'Her Loss' leh, a studio album pasarihna 'Honestly, Nevermind' chu tichhuakin, album pahnih hlawhtling takin a khawrpum thei a ni. Tunah chuan Drake chuan heng album pahnih tihlar lehzual tumin North America hmun hrang hrangah tour hi a buatsaih dawn a, kum 2018-a Aubrey & the Three Migos Tour hnua a tour lehna hmasa ber tur a ni ang.

Hip hop huanga zai leh R&B chawhpawlha tilartu zinga mi Drake hi tunlai rapper zinga ṭha ber pawl niin, Spotify chuan kum liam ta chhunga artist stream hlawh chu Drake a nih thu an puang.