Billboard Hot 100 leh 200 chart thununtu Morgan Wallen

American country singer-songwriter, boruak rawn nei lian chho tak Morgan Wallen chuan track 36 awmna "One Thing at a Time" album leh a single "Last Night" hmangin Billboard Hot 100 leh 200 album chart a thunun.

Country music hmel thar - Morgan Wallen

Morgan Wallen hi country music ngainatute zingah chuan a mikhual tawh lo hle a, a nawlpui zingah erawh artist langsar tiha han sawi theih a ni lo thung. The Voice Season 6-ah Maroon 5 frontman Adam Levine-a kaihhruaina hnuaiah a hming rawn chher ṭanin, hemi season hian playoff chu paltlang zo ta lo mah se, Panacea Records hnuaiah inziaklut nghalin, kum 2015 khan a EP hmasa ber Stand Alone chu a tichhuak.

A tuina ber rimawi lam luhchilh chho zelin, kum 2016 khan a album hmasa ber "Big Loud" chu a tichhuak. Kum 2018 khan "If I Know Me" chu tichhuak lehin, Billboard Top Country Albums chart-ah pakhatna a hauhpui leh thei a ni.

January 2021 khan, Wallen-a album pahnihna "Dangerous: The Double Album" a rawn tihchhuah meuh chuan thawm a rawn nei hat tawh a, tlangzarh hnu thla khat lekah, Billboard 200 din a nih aṭanga kum 64 hnuah country album zingah kar sarih chhung No. 1 ni thei hmasa ber niin, kar 10 chhung (a zawn loin) pakhatna a ni a, Whitney Houston-i'n kum 1987-a a tihchhuah "Whitney" hnua mellung pawimawh phun leh thei hmasa ber a ni.

Heng bakah hian, "Dangerous: The Double Album"-a hlate- "More Than My Hometown", "7 Summers", leh "Wasted on You"-te chu Billboard-ah pakhatna an ni bawk.