Riverdale season 7 leh a hnuhnung ber tur a chhuak hnai

Khawvel huap comic book lar berte zinga mi, Archie comics character behchhana siam Riverdale season 7 leh a hnuhnung ber tur chu peihfel thawkhat a ni tawh a, season 7 official poster pawh pholan niin, March 29 hian khawthlang ramah pekchhuah ṭan a ni ang.

Season 7 ah eng nge kan hmuh dawn?

Jughead (Cole Sprouse), Archie (K.J. Apa), Betty (Lili Reinhart), Cheryl (Madelaine Petsch), Veronica (Camila Mendes), Kevin (Casey Cott), Tabitha (Erinn Westbrook), Toni (Vanessa Morgan), Fangs (Drew Ray Tanner), leh Reggie (Charles Melton)-te hmel kan hmu leh dawn. Season hmasa lamah comet time machine-a min tuaivir hnuah, thawnthu kalhmang mak tak tak min temtir ṭhin hi a hlawhtlinna chhan lian tak tiin a sawi theih ang. Season 7-ah hian Archie leh a hote chuan season tawp ber chu kum 1955-ah min hruaikir thung dawn a, high school nun min temtir leh dawn a ni.

A changtu tam zawkin an nunphung pangngai an zawh vek laiin, Jughead erawhin thil thlen dan engkim a theihnghilh loh avangin an nunhluiah kir tumin a bei dawn a, Season 1-6 hmaih miah loa entute tan chuan a hmuhnawm zia inhrilhnawn a ngai lo a, season hnuhnung ber pawh hi a hmuhnawm leh hle tura ngaih a ni.