Stage khatah MGK leh Sophie Lloyd inlan a bak eng tin zel...

A nupui hual Megan Fox nen inhmuhthiam lohna lian tak an neih avanga tunhnaia thawm ngah tak, Machine Gun Kelly chu Megan nen an inkara tlazep nia khawthlang media ten an sawi, British guitarist tawih tak mai Sophie Lloyd nen stage khatah an perform dun a, hei hian rinhlelhna a tizualkai hle.

Kum 36 mi Fox chuan a pasal hual leh Lloyd inkarah hian thil eng emaw tak a thleng tiin social media lamah a lo tarlang tawh a, a hnuah thubelhchian dawl lo a chhakchhuah avanga a inchhir thu a sawi leh. Mupui anga mit fing tak nei media-te chuan Vanity Fair Oscar Party-ah Megan hi MGK nen an inhualna zungbun a bun loh avang leh, amaha a kal avangin an inkar hi a tawp fel tawhah an ngai hman hial bawk.

Megan leh MGK-te hian an inkar siamṭhat tumin therapy bakah online couple councelling class-te kal mah se, hei hian awmzia thui tak a nei phak lo niin a lang a, engtin nge an awm zel dawn tih hriatthiam a harsa rih hle.