Taylor Swift-in Eras Tour ṭan hmain hla thar pali tichhuak dawn

Eras Tour ṭan hun ringawt pawh tam takin an nghahhlelh em em laiin, fans-te beiseina tithlawn ngai lo Taylor Swift chuan nimin khan hla thar pali a tihchhuah tur thu a sawi leh!

"Eras Tour lawmna ni pahfawmin zanin hian hla thar pali ka tichhuak dawn a ni," tiin Swift chuan IG kaltlangin a sawi a, heng zinga hla pathumte hi a re-record an ni dawn a, pakhat dang erawh "Lover" era hunlaia a ziah, official-a la tihchhuah loh a nih thu Variety chuan a tarlang.

Swift hla tihchhuah turte hi Eyes Open (Taylor’s Version)’, ‘Safe & Sound (Ft. Joy Williams and John Paul White) (Taylor’s Version)’, ‘If This Was a Movie (Taylor’s Version)’ leh, kum 2019-a "Lover" album a telh tura ruahman, mahse a hnua an paih leh tak ‘All of the Girls You Loved Before’ te an ni. He hla hi kumin February thla khan a put ru a, TikTok-ah a viral zui avangin fans-te chuan official release nei mai tura ngenna an thlen hnuah Swift chuan an ngenna hi a tihhlawhtlin sak dawn ta a ni.