Green Goblin lemah Willem Dafoe a lo let dawn?

Superhero villain lar ber zinga chhiar tel theih, Spiderman hmelma hmasa Green Goblin role hnehsawh taka rawn changchhuaktu Willem Defoe chu a role ngaia let leh tura sawirik a ni a, amah pawhin he role a let leh hi a hreh loh thu a sawichhuak ve bawk.

Kum 67 mi lemchanthiam hi kum 2002-a tihchhuah "Spider-Man" ah khan a flying saucer hmanga thah a ni a, kumkhuain a reh hle dawn emaw kan tih laiin "Spider-Man: No Way Home"-ah rawn inlan lehin a role ngaiah kan hmu leh a ni.

Defoe chuan Norman Osborn lema chan chu nuam a tih thu sawiin, misualpa anga mi ngei hlawh leh chimawm taka rawn let leh chu a thil chakberte zinga mi a nih thu a sawi a ni. Spiderman film thar hi eng angin nge kalpui dawn tih official taka puanzar a la awm lo a, misualah tute nge rawn inlan leh dawn tih pawh zawhna lian tak a ni.

Khawvela film franchise hlawhtling leh lawm hlawh ber pawl Spiderman series hnuhnung ber "Spider-Man: No Way Home" kha December 17, 2021 khan tihchhuah a ni a, Spiderman film tihchhuah tawh zinga hlawhtling ber leh sum hailut hnem ber a ni. Green Goblin inlanna hmasa ber, kum 20 liam ta daih tawha tihchhuah "Spiderman" kha he series zinga sum lakluh tam lamah panganaah a awm mek thung.