Mark Twain Prize dawngtu Adam Sandler

Actor leh comedian ṭha mi, Adam Sandler chu American Humor lama thawhhlawkte hnena an hlan ṭhin Mark Twain Prize a dawng a, he chawimawina dawng thei 24-na a ni bawk.

He hunah hian lemchan lama a thawhpui Jennifer Aniston, Chris Rock leh Conan O’Brien-te pawhin an thawhpuipa tana zan chhinchhiah tlak tak hi an hmanpui a ni.

Adam Sandler hi critics ngainat chi ni lem lo mah se, mi nawlpui lawm a hlawh ṭhin hle a; a film kaltlang hian sum ṭhahnem tak hailut tawhin, comedy huanga zahkai leh daihrei bakah tawnhriat nei ṭha zinga mi a ni.

Sandler hma hian Jon Stewart, Dave Chappelle, Julia Louis-Dreyfus, David Letterman, Carol Burnett, Eddie Murphy leh Ellen DeGeneres-te chuan he chawimawina hi an lo dawng tawh a, novelist leh essayist hmingthang Samuel Clemens, Mark Twain tiha hriat lar hming chawia semchhuah ṭhin a ni.