Bella Hadid-i'n zu leh ruihtheihthil lak aṭanga thla 5 a fihlim lawmna hun a hmang

American model hmingthang tak, Isabella Khairiah Hadid; Bella Hadid tiha hriat lar chuan zu leh a kaihhnawih ruihtheihthil ti loa hringnun hlimawm tak a hman theih zia a rawn tarlang a, thla nga chhung zu tel loa hun a hman theih avangin Las Vegas-ah lawmna hun a hmang.

Kum 26 mi chuan, "Vawiin hi zu ka nghei aṭanga thla ngana" tiin IG-ah tarlangin, casino lama a hun hman dante a tarlang bawk.

Hadid hian January 2022 khan, amah inthunun theihna a hloh nasat em avangin thla ruk chhung zu a nghei thu a lo puang tawhin, "Zu hi ka lo inhnem ve tawk thawkhat tawh hle a, ka inthunun theihna piah lam thlengin min nghawng tawh a ni," tiin, zuin taksa hriselna a khawih pawi theih dante a doctor aṭanga hrilhfiahna thuk tak a dawn hnuah ngaihtuahna thar a neih phah thu leh, zu nghei tura thutlukna a siam phah thu a sawi a ni.