'Rush Hour 4'-ah Jackie Chan leh Chris Tucker an tál leh dawn

Khawvel sualna hrang hrang do tura mize in ang lo tak; hnuchhui kawngah erawh eng emaw zawng taka inkawp rem tak ni lawi si, Chief Inspector Lee leh, Detective James Carter-te chu 'Rush Hour 4'-ah kan hmu leh dawn!

Action comedy film hit tak 'Rush Hour' hi September 18, 1998 khan tlangzarh a ni a, ram hrang hrangah mi lawm a hlawh em avangin August 3, 2001-ah Rush Hour 2; May 7, 2006-ah Rush Hour 3 chhun-zawmnate siam an ni leh. Tunhnai hian Rush Hour 4 buaipui mek a ni a, Jackie Chan leh Chris Tucker te hmel kan hmu leh dawn a, a hmuhnawmin a hlimawm leh dawn tih a chiang.

Rush Hour film pathum hlawhtlinna phena mi pawimawh Brett Renner chu mipat hmeichhiatna hman khaw loh kawngah puh a nih avanga Warner Bros nen an inzawmna an tihtawp tawh a, eng angin nge a thawnthu kalhmang hi an rawn thlak ang tih chu thil hriatchakawm tak a ni.