The Elephant Whisperers-a Bomman leh Bellie te'n Oscars nomawi an hum ve ta!

Kartiki Gonsalves chuan 95th Academy Awards-ah a documentary "The Elephant Whisperers" vangin India tan record duhawm tak a siam. He project hian Oscars-ah Best Documentary Short Subject category-ah lawmman a la a ni.

Tamil Nadu-a Mudumalai National Park-a chan "The Elephant Whisperers" hi sai enkawltu nei lo, Raghu chanchin, thingtlang khuaa nupa tuak khat- Bomman leh Bellie te'n an enkawl dan tarlanna a ni. He documentary-ah hian enkawltu nei lo sai(Raghu) leh Bomman te nupa inkara inzawmna thuk tak a pian dan te, an chhehvela hringnun mawina an pholan dante tarlan a ni. Oscar an dawn hnuah director chuan Bomman-te nupa hi hmuin nomawi an chawi lai hi social media lamah a pholang a ni. "Khang thla li liam ta kha thla ka hman tawh azawnga la rei ber pawl a ni a, tunah chuan chenna ina haw ang ka ni ta," tiin a thlalak pholan hian mi lawm a hlawh hle.

"Keini leh kan chenna leilunga nungchate inkara inzawmna thuk tak tarlang turin in hmaah ka rawn dingchhuak a. Thingtlang lama chengte, leilunga cheng ve dangte leh he khawvel kan ṭawmpuite hi zah takin i enkawl zel ang u," tiin, a thawnthu tlawm tak phochhuah heti khawpa mipuiin an lo hlutsak avangin Kartiki chuan Oscars a dawn ṭum khan a sawi nghe nghe a ni.