iHeartRadio Music Awards: Taylor Swift hnenah Innovator Award; Harry Styles a langsar

2023 iHeartRadio Music Awards nimin zinga semchhuah takah Taylor Swift leh Harry Styles-te chu an bawr haw ber.

Swift hi pop culture tana a hnathawh ṭhat leh chhuan lo kal zel tur tan hnuhma ṭha a hnutchhiah avangin Innovator Award an hlan a ni. iHeartRadio tarlan danin, Grammy-winning artist hian eizawnna hlawhtling tak a neih theih avangte, a rimawi hmanga hmeichhiate dikna leh LGBTQ+ community a auchhuah ṭhinna te hian ṭhalaite tan chona leh phurna nasa tak a thlen phah a ni, an ti.

Lawmman a dawn avanga lawmthu sawiin Swift chuan, "Ka ngaihdan mawlmang sang chuang tlingkhawm zingah hian idea ṭha tak a rawn piang chhuak ve leh hlawl zel ṭhin," tiin mipui chu hlawhchham hlau lo turin a fuih zui bawk a ni.

Pink chu "pop culture"-a a daihreina, khawvel huapa fanbase nei ṭha leh, radio-in hma a sawn zel theihna tura a hnathawh avangin Icon Award hlan a ni bawk.