House of the Dragon: Season 1 aiin Season 2-ah episode a tlem dawn

Game of Thrones prequel "House of the Dragon" season 2 chu season khatna aiin episode a tlem zawk dawn. HBO series hit hi season hmasa aiin season tharah hian episode hnihin a tlem zawk dawn tihna a ni.

Season an kaihtawi hian season lo kal zel tur thlengin an nghawng pha dawn a, HBO chuan season khat zelah rilru an sawrbing theih phah dawn a, season 3 mai bakah season 4 thlengin show hi kalpui tura ruahman a ni.

Season 1 episode hnuhnung ber hi October 2022 khan pekchhuah a ni a, Season 2 hi kum 2024 kumtawp lamah pekchhuah hman an beisei tih HBO Max chief content officer Casey Bloys chuan a sawi.

"House of the Dragon" hi House Targaryen chhehvela thil thleng niin, "Game of Thrones" event thlen hma kum 172 vela thleng anga chan a ni. "House of the Dragon" season khatnaah Rhaenyra chuan a fanu chu a hrin tirhah a thi a, a fa lai Lucerys chu a Aemond Targaryen leh a dragon-in an thahsak a ni. Season 1 khan HBO record-a kar khat chhunga entu tam ber record rawn siamin, mi maktaduai 25 chuang zetin karkhat naah hian an en. Season 2-ah hian Paddy Considine, Matt Smith, Olivia Cooke, Emma D'Arcy, Steve Toussaint leh Eve Best-te chu an inlan leh bawk dawn a ni.