A tirah BTS zawm tumna ka nei lo - Jimin

South Korean boy band BTS member, Park Ji-min chuan music industry-a a luh tirh khan BTS zawm tumna a neih loh thu a sawichhuak.

Kum 27 mi zaithiam hian a solo album hmasa ber "Face" chu kar liam ta lawk khan tichhuakin, Big Hit Music-a training a neih hnuah a K-pop dream pawh a inthlak leh thu a sawi. "He agency hi trainee anga ka zawm hmasak ber khan, BTS zawm tumna ka nei lo, a chhan chu kan inkawprem theih ka rin loh vang a ni. Mahse nangmah vang hian ka rilru ka thlak phah a ni," tiin Suga-a talkshow "Suchwita"-ah sawiin, Suga chu zaithiam a tih thu hrilhin, chuvanga he team hi zawm thlang ta a nih thu a hrilh.

Suga pawhin an hun tawnte sawichhuakin, Jimin chu agency beiseina piah lam thlenga zaithiam, theihna nei ṭha tiin a sawi ve bawk. "I aw leh i zai laia i thluk dan kha ka hrethiam nghal a, kan team zingah khatiang anga thluk thei kha an awm lo; zaithiam aw danglam tak nei i ni tih ka hrechhuak a," tiin, "A ni hi chu a zai tur a ni, rap thei lo chungin nga ti nge in rap tir daih," tiin agency hnenah a sawichuak hial tih Suga chuan a sawi.