Lana Del Rey leh Evan Winiker an inhual

American singer-songwriter Lana Del Rey chu music manager Evan Winiker nen an inhual niin Billboard chuan a puang.

Lana leh Evan-te hi tun hnai chhoah an chhuak dunlai hi hmuh an ni fo ṭhin, 2023 Billboard Women In Music-an semnaah Lana kut vei lama zungbun chuan mi mit a la nghal viau; tunah chuan zawhnate chu chhanin an awm ta.

Evan Winiker hian artist eng emaw zat lo thawhpui tawhin, Jack Antonoff nen Steel Train band-ah an lo thawkdun tawh ṭhin a, heta ṭang hian Lana nen pawh hian an intawng chho ṭan niin an sawi. Antonoff leh Lana-te hi tun hnai khan "Did You Know There’s a Tunnel Under Ocean Blvd" album lamah an lo thawkdun tawh bawk.

Lana tan kum nghahhlelh awm tak a ni chho dawn a, a studio album pakuana pawh a hlawhtling hle. U.K. chart-ah 'Ocean Blvd' chu a chung berah awmin, Born to Die (2012), Ultraviolence (2014), Lust for Life (2017), Norman F*cking Rockwell! (2019) leh, Chemtrails Over the Country Club (2021)-te pawh chart chung berah hian a lo lanpui vek tawh a ni.

Lana hi tun hnai khan Billboard 2023 Women in Music ceremony-ah Visionary Award hlan a ni a, "Hlimna sawi theih lohin ka khatliam a, hetiang ang chawimawina ka dawng thei hian rimawi khawvela ka tumte ka thleng chho ve zel tih a lantir a ni," tiin Lana chuan lawmthu a sawi zui.