Joe Satriani-a'n album thar a tlangzarh dawn

American guitarist Joe Satriani chuan kumin chhung ngeiin album tlangzarh hman a tum thu press release a siamah a tarlang. A album hming tur hi  'Shape­shifting' tih a ni dawn a, a studio album 18-na tur niin, tlangzarh hun tur tak erawh a tarlang tel lo a ni. April 15 aṭang hian European tour a nei dawn a, June thla laihawl vel thleng a nei ang.

Joe Satriani hi nimin khan Metal Hall of Fame-ah lakluh a ni a, Garden Grove, California-a Marriott Anaheim Garden Grove hmunah lakluh a ni. He hun hi  Eddie Trunk chuan host in, a ṭhianṭha tak leh a zirlai ni ṭhin Steve Vai pawh he hunah hian a tel. Satriani hnuaiah hian guitarist hlawtling tak takin guitar an zir tawh ṭhin a, chung zingah chuan  Steve Vai, Kirk Hammett, Andy Timmons leh  Larry LaLonde-te pawh an tel a ni.