Favangah Olivia Rodrigo album thar kan hmu dawn

Driver License hitmaker, Olivia Rodrigo chuan kumin favang bawrah album thar a tihchhuah tur thu a sawi.

Kum 19 mi chuan album a tihchhuah hmain nipui bawrah a lead single tihchhuah hman a tum niin an sawi. January thla khan Olivia chuan music thar buaipui a ngahhlelh thu a lo a tarlang tawh a ni.

Olivia album hmasa ber "Sour"-a a thawhpui Dan Nigro nen studio lama hun an hmang dun laite rawn pholangin, "Hla thar tam tak kan buaipui a, in ngaihthlak hun ka nghakhlel tawh hle! engkim avangin ka lawm e," tiin IG-ah a sawi.

Grammy-winning singer vek hian Spotify Wrapped kaltlangin album thar hi tihchhuah mai theih tura a awm tawh thu leh, kum 2023-a music thar rawn chhawpchhuah a, thil thar tem a chak tawh thu a sawi bawk a ni.

Olivia hian album pakhat chauh la tichhuak mah se, rimawi lama chawimawina sangte chu a dawng kim thawkhat tawh hle. A "Sour" album vang hian Grammys, Billboard Music Award leh iHeartRadio Music Award ṭhahnem tak a dawng tawh a ni. Tleirawl, a bikin hmeichhiate zingah a hlate hi an tla na hle a, Jack White, Taylor Swift leh Lorde-te hi rimawi a hmelhriat ṭan tirh phat aṭanga mi pawimawh leh phurna petu an nih thu Olivia chuan a sawi. Disney+ chuan a chanchin tarlanna, 'Olivia Rodrigo: Driving Home 2 U,' chu nikum March thla khan an lo tichhuak tawh bawk

a ni.