Gigi Hadid-i'n a Bollywood dream a tihlawhtling

India rama thang mek, supermodel Gigi Hadid leh Indian actor Varun Dhawan-te lam lai chuan mi lawm a hlawh hle. He thil thleng chungchang hi Gigi chuan a IG account kaltlanga rawn tarlang nghalin, a bollywood dream a hlawhtlin avangin Varun hnenah lawmthu a sawi nghe nghe.

Varun hian stage aṭangin Gigi hi ko chhoin, pawm pahin a biangah a fawp zui a, Gigi awm danin ngaih a ti ṭha zan lo nge ni, ṭhenkhat chuan actor chet dan hi dem zui viau. Mahse Gigi erawhin thutak hla takah ngai lem loin Varun chungah lawmthu a sawi let daih thung a ni.

Varun Dhawan pawhin video viral chungchangah thuchhuah siam nghalin, "Internet hmangtu tam takin model hi awm nuam lo tak angin an sawi a, ka chet dan avangin dem ka hlawh phah hial a ni," a tih bakah, "Stage-a hruaichhoh kha ruahman lawksa a ni," tiin sawisel zui mai lo turin Twitter hmangtute chu a chah.

American model chhe lo tak, Gigi hi Nita Mukesh Ambani Cultural Centre hawnna hmangin India ram a rawn zin a, India thuam famkim nen inbelin media-te mitfukna ber pakhat a ni. Gigi rual hian Hollywood star Zendaya, Tom Holland leh Penelope Cruz-te pawhin he hun hi an rawn chhim bawk a ni. Hetih lai hian, Gigi hi rimawi khawvel lamah pawh a mikhual lo hle a, 'Pillowtalk', 'Flower', leh 'Bad Blood' music video-ahte pawh a lo inlan tawh a ni.