Chuap cancer vangin 'Passion Of The Christ' star Christo Jivkov a thi

"The Passion of the Christ" actor Christo Jivkov chu kum 48 mi niin chuap cancer vangin March 31 khan a thi.

Bulgaria-a piang lemchanthiam hi kum 2004-a tihchhuah Mel Gibson-a kutchhuak, Isua Krista chanchin tarlannaah Johana lem rawn changin, he film hian lawm a hlawh ang bawkin, a hunlai na na na kha chuan seltu pawh an ṭhahnem hle a nih kha. Jim Caviezel leh Monica Bellucci channa "The Passion of the Christ" khan khawvel huapah USD mtd 612 lai a thawkchhuak.

Bulgarian film company, Red Carpet Films chuan thuchhuah siamin, Christo thih thu hi an puang a, "Vawiin hian kan ṭhian duhtak leh Red Carpet co-founder Christo Jivkov chu kan chan ta. He thihna hian min ṭhawng takzet. Kan theihnghilh tawh ngai lo ang che," tiin Christo uina thu an tarlang.

Hetihlai hian, Mel Gibson chuan a film hmasa chhunzawmna tur, "The Passion of the Christ: Resurrection" chu a buaipui mek a, kum 2023 kumtawp lamah tlangzarh hman tura ruahman a ni.