Kendall leh Bad Bunny - 'Sakawr pa ṭek pa ṭek'

Kendall Jenner leh Bad Bunny-te inkar vul vanglai kan hmu chho mek a, Pathianni khan supermodel leh rapper-te hian California, Hidden Hills Equestrian Cente-ah sakawr chunga chuang chungin hun hlimawm tak an hmang a, sakawr chunga an chuanna hian entertainment khawvel ngaihventute social media a luahkhat nghal hle.

Kumin February thla khan an pahnih hian Los Angles-ah Bieber-a te nupa nen 'double date' an lo nei tawh a, hemi hma pawh hian an lo inhmu fo tawh niin TMZ chuan a tarlang.

Bad Bunny pawhin Kendall nen an kalthui deuh takah hian a hla thar "Coco Chanel"-ah Kendall kawppui hlui Phoenix Suns guard, Devin Booker chu "Phoenix a ni(sun) aiin Puerto Rico-a ni(sun) a sa ṭha zawk" tiin a kap zui a, (November 3, 1995-a piang) Kendall tan biahthu rawn hlan zui nghalin "Scorpio hmeichhiate hi an hlauhawm a nia," tiin a zodiac sign chungchang a rawn tarlang.

Jenner leh Booker-te hi April 2020 aṭanga inzui ṭanin, kum khat hnuah official-in an inzui thu an puang. June thlaa an inkar an titawp nia thu a than hnuah, nikum November thla khan he thu hi thudikah an rawn chantir zui a ni. Hetihlai hian, Latin artist, Grammy winner ni bawk Bunny hi Gabriela Berlingeri nen kum li chhung an inzui hnuah nikum khan an inṭhen fel thu an lo puang ve bawk a ni.