BARBIE trailer thar a chhuak! Margot Robbie, Ryan Gosling leh Dua Lipa te'n eng angin nge hlimna min thlen ang?

Kum 2023-a film chhuak tur zinga nghahhlelhawm ber pawl, 'Barbie' pawh a trailer pahnihna tihchhuah a ni leh ta a, Margot Robbie chuan Barbie role rawn changin, Ryan Gosling chuan Barbie boy toy, Ken lem a rawn la thung dawn. Hei mai a la ni lo Dua Lipa kan la hmu tel cheu dawn a, ani hian mermaid barbie role a rawn play thung dawn a ni.

Trailer hmasa ber khan Barbie khawvel min fanpui a, a thawnthu kalhmang emaw a changtute lam emaw lam chipchiar taka tarlan a la ni lo thung. Hemi hnu hian Barbie leh Ken-te chu khawvel tak takah hruai an ni a, an khawvel thar chu engtin nge an hmachhawn dawn a, naute lem an nihna hnuchhawnin an nuna chonate eng angin nge an hmachhawn dawn hriat a chakawm tawh hle.

Barbie hi Mattel Films, Heyday Films leh Robbie leh a pasal, Tom Ackerley-a company, LuckyChap Entertainment kutchhuak niin, July 21, 2023 hian theatre-ah pekchhuah ṭan a ni ang.