BBC Radio 1 Big Weekend Rihanna, Ed Sheeran, Billie Eilish leh One Direction

BBC Radio 1 Big Weekend UK 2020-a milar zai stream tur zingah Rihanna, Ed Sheeran, Billie Eilish leh One Direction-te an tel.

UK radio station hian kum dangah chuan a tlangpuiin an festival-ah hian artist hrang hrang an zai tir ṭhin a, mahse coronavirus vangin kumdang angin programme an buatsaih thei dawn lo a ni. Chumi a nih avang chuan Radio 1 Big Weekend UK 2020-ah hian Big Weekend event danga zaithiamte lo perform tawhna an stream ang.

Billie Eilish hi nikum khan Big Weekend-ah hian a inlan a, heta a zaite hi kuminah hian play a ni dawn a, Rihanna zai 2012-a mi te, One Direction 2014 set te leh Ed Sheeran 2018 set-te an stream dawn a ni.

Lady Gaga, Little Mix, Khalid, Miley Cyrus, Stormzy, The 1975, Mumford and Sons, leh Twenty One Pilots-te pawh lo perform tawhna pawh stream, a ni bawk ang.

Zaithiamte lo perform tawhna an stream dawn lai hian Radio 1 Dance Stage leh BBC Music Introducing Stage-ahte chuan artist-te'n in lama aṭanga an record an tichhuak dawn thung a, heng zingah hian Sam Smith, Jonas Brothers, HAIM, leh Mabel-te pawh an tel.

BBC Radio 1 Big Weekend UK 2020 hi kumdang ang bawkin Bank Holiday-ah neih a ni dawn a, Zirtawpni aṭanga Pathianni inkar hian neih a ni dawn. Remote stage panga 

aṭangin mi 100 chuang an perform dawn a, heng clip-te hi BBC website-ah pawh an dah chhuak dawn niin an tarlang.