Billie Eilish-in Uniqlo t-shirt tlangzarh dawn

Billie Eilish chuan Takashi Murakami thawhpuiin thla tawp lamah hian Uniqlo t-shirt a tlangzarh dawn.

Kum 18 mi Grammy Award winner Billie Eilish Uniqlo T-Shirt (UT) tihchhuah tur hi limited edition a ni dawn a, design tin chu Uniqlo exclusive tur a ni dawn bawk.

T-Shirt collection teaser hi Uniqlo chuan an Instagram lamah an tichhuak tawh a, ngaihven a hlawh hle.  

Takashi Murakami hi  Japanese contemporary artist niin fine arts media leh commercial media lamah hriat a hlawh hle a, Japanese casual wear brand Uniqlo hi a thawhpui vawi khatna tur a ni lo a, kum 2018 khan a lo thawhpui tawh a ni.

Billie Eilish pawh hian fashion lamah tawn hriat lo nei ve tawh bawkin kumin kum tir lamah khan H&M thawhpuiin oversized t-shirt, sweater, leh bucket hat-te pawh an tlangzarh tawh.