Guitar Anthem ropui ber - Guns N' Roses "Sweet Child O' Mine"

American hard rock band hmingthang, Guns N' Roses hla hit em em tak mai "Sweet Child O' Mine" chu mipui ngaihdan an lakna aṭangin guitar anthem ropui berah thlan a ni.

Absolute Radio ngaithlatute aṭanga zirchianna an neihah, khawvel awm chhunga hla dai tawh ngai lo tur hla heng - Pink Floyd "Comfortably Numb", AC/DC "Thunderstruck", leh The Eagles' "Hotel California" te chungah awmin, guitar anthem ṭha zual 25 thlanchhuah zingah Axl Rose leh hote hi a ṭha ber leh ropui berah thlan an ni ta a ni.

"Sweet Child O' Mine" hi GNR album hmasa ber kum 1987-a tlangzarh 'Appetite for Destruction'-a an single pathumna niin, Billboard Hot 100-ah pakhatna lai a ni thei a ni. He album a mi vek "Paradise City" pawh top 25-ah an lanpui thei a ni. Rock tihausatu kan sawi dawn apianga an hming kan lam hmaih hauh lo tur AC/DC hla "Back in Black" pawh rawn langin, heng band pahnihte hian hla pahnih ve ve an lanpui thei.