5 SOS-in Live album leh Tour nei dawn

Australian pop punk boy band, 5 Seconds of Summer chu rimawi khawvelah an lo kir dawn a, April 14 hian digital-in "The Feeling of Falling Upwards - Live From The Royal Albert Hall" an tihchhuah tur thu leh, tour pawh an neih ngei tur thu an puang.

An hla chungchangte sawiin, "The Feeling of Falling Upwards hi pawl anga kan thinlungte kan phawrhchhuahna hla a ni a, rimawi hmangin kan rinna ze ril tak kan puanchhuahna a ni. Kumtina sik leh sa inthlak ang zel hian he kan zinkawng hi min ṭawmpui turin kan rawn tichhuak dawn a ni," tiin vocalist leh drummer Ashton Irwin chuan nikum khan an hla chungchangte a sawi a ni.

Calum Hood, Michael Clifford, Luke Hemmings, leh Ashton Irwin-te awmna 5SOS studio album panganaa 12-piece string orchestra bakah 12-member gospel choir chu tuaihnumin hla thar ang hlakin an rawn sa thar dawn a, he live album hi July 14 aṭanga zawrh chhuah a ni ang.

"Youngblood" hitmaker te hi world tour neih tumin an inbuatsaih mek a ni. 5SOS hian album maktaduai 10 chuang hralhchhuak tawhin, concert ticket mtd 2 chuang lai an hralh tawh a ni.