Ariana Grande ft Justin Bieber 'Stuck With U' Billboard Hot 100 No.1

Ariana Grande leh Justin Bieber-te'n tunhnaia an hla tihchhuah thar 'Stuck With U' chu Billboard Hot 100-ah No.1 an nihpui.

Grande hian Billboard Hot 100-ah No.1 hla a neih pathumna a ni chiah a, hetihlai hian Bieber tan erawh hla parukna a ni thung a, an ṭhiandun hian an lawm hle. Ariana chuan Instagram-ah Thawhṭanni khan Chart topper an nih chungchangah hian thu sei tak a post a, a lawmthu leh fan-te vang a nih thu te thui takin a ziak a, Bieber pawh hian a lawm zia a tarlang ve bawk a ni.

'Stuck With U' hi Digital Song Sales chart-ah pawh No.1 a ni bawk a, kar hmasa chhung khan mi 1,08,000-in an download hman niin Nielsen Music/MRC Data chuan a tarlang.

Grande leh Bieber hian an hla thar aṭanga an sum hmuhchhuah zawng zawng hi First Responders Children's Foundation hnenah an hlan dawn a ni.