Darkar 3 chuang phone khawih ṭhin tleirawlte'n hnungzang natna lam an neih theihna a sang

Khawvel changkanna mil zela lo inher rem zung zung ṭhin tleirawl leh naupangte zingah tunlai thiamna hi a ṭha zawnga chhawr ṭangkai tam tak an awm a, hausakna leh chhungkaw chawmna tura ṭangkai taka hmang pawh chhiar tham an awm tawh a ni. Tleirawl ṭhenkhat erawhin an tihtur ṭhulhna leh zirna lama an tlakhniamna hmanruaah an hmang thung lawi a ni.

Smartphone leh tablet ban phak maia awm te leh, television channel, computer games, educational application ṭhang chak tak avangtein tleirawlte zingah taksa awmdan, poster rualrem lo taka screen hmaa an awm ṭhin avangin hnungzang lam natna leh hrisel lohna dang tawk an pung chho mek niin FAPESP hnuaia Brazilian researcher-te chuan scientific journal, Healthcare kaltlangin an sawi.

He zirchiannaah hian kan awm hnunga zang ruh, thoracic spine pain (TSP) an thlur bing a, Sao Paulo state-a kum 14-18 inkar mipa leh hmeichhia-ah survey hi neih a ni.

TSP hi age group hrang hrangah a hluar hle a, puilting zingah 15%-35%, naupang leh tleirawl zingah 13%-35% in he na tna hi an nei mek a ni. Covid-19 hripui len laia mipuite pawn chhuak thei loa kan awm avang khan he natna nei hi an zualkai hle. TSP hian kan taksa hriselna mai ni loin rilru lam thlengin harsatna a thlen thei tih an sawi a, World Health Organization pawhin ngaih pawimawh a ṭul thu an lo puang tawh hial a ni.

Zirlai TSP neite hi an taksa a harh vang lo a, zirnaah an hnufum mai bakah, khawsak hona kawngah an ṭhiante aiin harsatna an tawng nasa bik tih zirchianna chuan a tarlang.