Number plate Rs vbc 123-a hralhin World Record thar a siam bawk

Dubai-a bidder neih chuang liam ngah tak pakhat chuan an rama car license vang tak chang turin dirham maktaduai 55 (Rs vbc 123/USD mtd 15) lai a seng a, kum 10 liam taa United Arab Emirates a record dinglai chu a rawn khum.

Emirates Auction LLC chuan, Inrinni kalta khan charity auction an neihnaah plate number P 7 chu an hralh thu an puang a, he plate aṭanga sum lutte hi Dubai ruler - Sheikh Mohammed bin Rashid-a global food aid initiative "1 Billion Meals Endowment."-ah hlan a ni ang.

UAE rama mipuite hian vanity plate lilam hi an ching hle a, mi hausa tawntawte'n an nihna leh hausakzia pholanna atan an hmang ṭhin a, mahse heng sum hi khawhral mai loin chanhai zawkte kutah hlan an ni ṭhin a ni. Kum 2008 khan sumdawng hausa, Saeed Abdul Ghaffar Khouri chuan plate number 1 leina'n dirham mtd 52.2 lai lo thehchhuak tawhin, hun rei tak chhung record a chelh chu Dubai pa hian a rawn khum ta a ni.