Alia Bhatt-in healthcare worker-te chocolate a pe

Covid-19 hri kai tam berna state Maharastra khawpui Mumbai-a KEM Hospital-a healthcare worker-te hnenah bollywood actress Alia Bhatt chuan chocolate, apple drink leh ei tur dang eng emaw zat a pe.

Hrilh lawk leh puanzar lawk awm loin damdawi-ina thawk nurse, doctor leh midangte ei tur hi Alia Bhatt chuan a pe a, a thil pekah hian thuziak dah telin, khawtlang himna kawnga an thawh avangin 'hero' an nih thu a ziak tel.

He a thil tih hian damdawi-ina thawkte rilru a hnehin an lawm hle a, twitter kaltlangin Alia Bhatt thil pek chu tarlangin an lawmthute an sawi a ni.