Millie Bobby Brown leh Jake Bongiovi te an inhual

Netflix series hit tak, 'Stranger Things' aṭanga mi nawlpuiin kan hmelhriat Millie Bobby Brown leh American lemchanthiam Jake Bongiovi-te chuan an inhual thu Thawhlehni khan an puang.

Kum 19 mi lemchanthiam chuan chanchin lawmawm hi Instagram-ah tarlangin, "Nipui vawi thum chhung chu hmangaih takin i kiangah hun ka hmang tawh a, tunah zawng i engkim hi ka duh tawh a ni," a ti a, Jake pawhin ama account kaltlangin "Damchhung atan" tiin post a siam bawk . Kum 20 mi Jake hi zaithiam hmingthang Jon Bon Jovi-a fapa niin, Millie nen hian 2022 BAFTA awards-ah khan an inlan dun nghe nghe a ni.

Millie leh Jake-te hi 2021 nipui bawr vel khan intawngin, hemi hnu lawkah an infawp lai tarlangin an inkar hi an ti 'instagram official' zui ta bawk a ni.

"Enola Holmes" star chuan Jake nena an intawn dan chanchin sawiin, "Instagram kaltlanga inhria kan ni. Hun rei lote chhung chu ṭhian kan ni a, chumi hnu chuan eng nge ka sawi ang?," tiin online kaltlanga inchhar an nih thu a puang.