Kum 20 hnuah School of Rock reunion

Jack Black chuan "School of Rock" kum 20 tlin champhaphak pualin film-a a changtute chu an inhmukhawm dawn tih sawiin, film chhunzawmna siam tuma hmalakna kalpui tum nge an nih, inhmuhkhawm satliah tih erawh puanzar a la ni lo.

Kum 53 mi, lemchanthiam hian comedy classic film-ah khan zirtirtu aikal hna rawn thawkin, rock star Dewey Finn lem chu hnehsawh takin a rawn chang a, a zirlaite chu rimawi hmangin a hrual a ni. "Khang hunlai khan kum 10 mi chauhte an la ni a, tunah erawh kum 30 chuangte an ni ve tawh. Jam nuam kan ti hle a. Film kum 20 tlin lawmnaah School of Rock-a ka naute hmuh hun ka nghakhlel tawh hle a ni," tiin Jack Black chuan a sawi.

Jack hian January thla khan "School of Rock" sequel a awm mai theih thu a lo sawilang tawh a, "School of Rock 2" siam te leh, musical flick "Tenacious D: The Pick of Destiny" chhunzawm tumna lian tak a neih thute pawh a sawi.