MDM Talk Show thar MDM SPOTLIGHT

Music Domain Mizoram (MDM) in Mizo mipuite tana Talk Show thar a chhawpchhuah chu zanin dar 7:00 hian MDM YouTube Channel ‘MDM OFFICIAL, Mizoram’ ah chhuah ṭan a ni dawn a, Episode 1 ah hian Mizo ṭhalaite ngaihven Michelle Varte kan hmu ang.

Mizo zaithiamte chanchin kan la hriat lem loh bakah mipui hmaa an la sawi chhuah zen zen loh an nuna thil thleng an sawi chhuahnate chu he Talk Show-ah hian kan thlir thei dawn a, an mimal nun an phawrh chhuah te bakah rimawi avanga tun dinhmun an thlen dan te, Mizo rimawi hma lam hun an hmuh dan leh an ngaihdante kan thlir thei thei ṭhin dawn a ni.

MDM Spotlight Season 1 Show Co-ordinator hi TV leh YouTube lama 'Real Mizo 73 Question' buatsaihtu Moses NG a ni a, he Show-a inlante hi Lalbiakdiki Ralte leh, Angaiha Chhakchhuak te chuan an kawm ṭhin dawn a, thla khat ah vawi thum a inkar thlakin MDM YouTube Channel ah hian premiere ṭhin a ni ang.

Season 1 ah hian Evoke leh Durion-te ne’n thawk dunin anni hian Show Set an tum a, tunlaia Designer fak hlawh Buanga Chhangte chu Wardrobe niin Duhkima Vanchhawng chu Make Up Artist atana hman a ni thung. Videography hi Kingpins Production leh Blue & Yellow Production te an ni.