Maybelline New York brand ambassador zingah Suhana Khan leh PV Sindhu-te an tel

Beauty industry-a hmahruaitute zinga mi, Maybelline New York chuan kartir lam khan ram chhungah an huang rawn zauh zelin brand ambassador thar pali - Suhana Khan, Ananya Birla, PV Sindhu leh Eksha Subba te chu inremna an neihpui thu a puang.

Maybelline hian eizawnna mual pathum heng- infiammi hlawhtling , lemchanthiam leh internet personality aṭangtein an thlang chhuak a, an pali hian tun thla aṭangin campaign hmasa ber an nei nghal bawk ang.

Bollywood superstar, Shah Rukh Khan leh Gauri Khan-te fanu Suhana Khan hian tunhnaiah thawm a rawn nei lian chho viau a, ambassador thar tura ruat a nih bakah Zoya Akhtar kutchhuak 'The Archies' film-ah a Bollywood debut a rawn nei bawk dawn a ni.

Ambassador tura ruat dangte hi - India rama infiammi hlawhtling ber pawla chhal ngam, badminton player leh ram tan pawha Olympic medal pahnih lo hawn tawh PV Sindhu; Indian singer, songwriter leh entrepreneur, zaithiam lar Sean Kingston leh Afrojack-te nen pawh rimawi lama lo thawkdun tawh Ananya Birla, leh reality show MTV Supermodel of the Year; Indian Police Officer hna thawk lai Sikkim nula Eksha Subba-te an ni.