Joe Alwyn ṭhentu Taylor Swift?

Taylor Swift leh Joe Alwyn-te chu kum ruk chhung zet an inzui hnuah March thla khan Swift-i'n Eras Tour a ṭan hma khan an inkar hi an tihtawp thu an puang a, hei hian rindan tam tak a rawn pian tir nghalin, an inṭhen chhan chu Taylor Swift vang a nih thu khawthlang media-te chuan an tarlang.

"Taylor leh Joe-te hi khawvel inang lo takah an cheng mek a ni, inṭhen pawh hi Taylor duhdan zawk a ni a, mahse an pahnih hian an inkawprem zan lo tih erawh chiang takin an hria a ni. Hun rei tak chhung lo inzui in, hun tam lo hmang dun tawh mah se, an mizia erawh a inhnerem thei lo a ni. Joe hi mahni inngaihtuah mi (introvert), zakzum leh mi ngawichawi tak a ni," tiin Entertainment Tonight chuan a tarlang.

Hetihlai hian, Swift erawh tour leh a eizawnna lamah a insawrbing rih hle a, "Taylor hian Joe hi a zah hle a, hun hlimawm tak an hmandunna zawng zawngte kha nuam a tiin, a theihngilh ngai dawn tawh dawn lo. Inzawmna thuk tak an nei a, hun lo kal turah pawh ṭhian anga hlim taka an la inkawm zel a beisei," an ti.

Swift hian March 17 khan Glendale, Arizona aṭangin Eras Tour hi a khuhhawng a, kar hnih hnuah Arlington, Texas-ah tour hi titawp lailawkin, Alwyn nena an inkar chungchang leh biahthu a hlanna, Folklore album-a hla"Invisible String" aiah "The 1," chu sa in, heta ṭang hian an inṭhen ngei a ni tih tihzawn theih turin a khawsa ṭan a, ni rei lote hnuah an inkar a tawp thu hi kan hre zui leh ta a ni.