Texas-a cheng kum 81 mi hmeichhhe pahnihin Ni 80 chhungin khawvel fangchhuak

United States-a Texas-a ṭhian inkawm ngeih tak hmeichhia pahnih, documentary photographer Ellie Hamby, leh physician/lecturer Sandy Hazelip-te chuan kum 81 lai ni tawh mah se, ni 80 chhungin khawvel an fangchhuak.

'Around the World In 80 Days' chu kan hre fur tawhin a rinawm a, mahse kum 80 pelh hnua khawvel fangchhuak tih ṭawngkam erawh kan hrekhat hlein a rinawm. Mahse, he khawvel ṭhang zelah hian chanchin mak tak tak kan hre chho zel zawng a ni.

An blog aṭanga an tarlan danin, ram ṭhahnem tak tlawh kuala hun hmangin zinkawngah chona an hmachhawn dante tarlan a ni. Travel agent hnuaiah an zin ngai lo a, hotel man to leh changkang ah an thleng ngai lo a, eitur man tam emaw an ei ngai lo. Heng aiah hian, hahdamna aiin tawnhriatah hlimna an chhar tam zawk tih sawiin, "Hlimna min petu ber chu tualchhung mite nena titi ho hi a ni. Pawl anga zin kan nih loh avangin, ruahman lawk angin thil a kal ngai lo a, vanneihthlak takin, kan zinchhuahna kawngah ngaihdan thuhmun kan pu zel a ni," tiin, Instagram page "aroundtheworldat80" siamin followers 20,000 chuang an nei tawh.

CNN-in an kawmnaah, Hazelip chuan, "Kum a lo tam hian thutlukna siam kawngah finna min pek belh a, hei hi a nawmna lai a ni. Ka kum angah hi chuan thil hi a hlu zual hle a, a mawinate hi keima'n ka hip lut vek nite in ka hria," tiin a kum upatna chuan malsawmna tam tak a thlen thu leh, a lawmzia a sawi.

Hamby leh Hazelip-te hian khawmualpui pasarihah ram 18 an tlawh a, kum 2022 khan kum 80 mi ni chungin an thiltumte hi tihhlawmtlin tum mah se, Covid-19 hripui leng vangin an tum aia kum khat a tlaiah he mellung hi an siam thei ta zawk a ni.