India aṭanga K-pop star pahnihna Aria

India ram aṭanga K-pop star atana thlanchhuah hmasa ber Shreya Lenka zawhah Kerala-a piang Aria chu K-pop star tura thlan a ni ve leh ta!

Aria hi member panga awmna X:IN zinga mi niin, tun thla tir khan official-a a full length album hmasa ber ‘Keeping the Fire’ an lo tichhuak a ni.

Aria, a hming tak Gauthami hi K-pop star a nih piah lamah, Malayalam Film Melvilasom-ahte pawh a lo inlan tawh a, nikum khan GBK Entertainment Group MEP-C hnuaiah thlanchhuah a ni.

March 8 khan, '44th K-Stage Yes or No event' line-up ah Aria leh Nova thlalakte hi a chuan ve avangin leh, girl group X:IN chu an perform dawn tih puanzui a nih bawk avangin, South Korean girl group-ah phat rual lohin a tel tih a rawn nemnghet ta a ni.

Mizoram mai ni lo in, India mi pawhin K-pop hi an ngaihven viau a, Shreya Lenka chu K-pop star a thlan a nih ṭum pawh khan beiseina sang tak nen thlirzui a hlawh hle a, tunah Kerala mi Aria chu thlan a lo ni ve ta bawk nen, India pawhin zawi muangin pop culture leh rimawi lamah bung thar kan kai chho hret hret dawn niin a lang.