Ariana Grande-i'n taksa landan vanga inchhaih nawmnah titawp turin ngen- "Mihring hrisel lan dan a inang vek lo"

Ariana Grande chuan TikTok kaltlangin a fans-te chu a landan leh rihna chungchanga ngaihruatna dik lo awm ṭhin chu chhangletin, kum 29 mi zaithiam chuan a hrisel lai ber a nih thu leh, mihring a zirin mi hrisel tak lan dan hi a inang vek thei lo a ni, a ti.

'7 Rings' singer hian a taksa chu midang nen khaikhin a nih fo thu pawh sawizuiin, “antidepressants” a ei lai kha a taksa chak loh lai ber a nih thu leh, mipuite chu anmahni leh midang chungah zawldawhna leh zaidamna lantir turin a chah a, mihring pianzia eng ang pawh ni se, an awm nawm loh phahna turin kan chhaih zui tur a ni lo, tiin Ariana chuan a sawizui bawk.

"Mi chungchang a ṭha zawnga akna emaw engpawh lo ni se, an hrisel emaw hrisel loh lam emaw, an lian emaw an lo te deuh emaw, an sexy emaw sexy lo emaw pawh ni rawh se, hetiang lam ṭawngkam hi hman tlem kan zir tur a ni. Kan himna leh midang himna hi ngaihpawimawh hmasakah nei zawk ang u" tiin, a taksa landanah a hrisel loh laia midang nena khaikhin a ni fo ṭhin chu hrehawm a tih ṭhin thute a sawichhuak a ni.

Sawi chhunzawmin, "Duhsakna sang ber ka hlan vek che u a, eng pawh paltlangin, eng ang pianzia leh, tunlaia make-up eng ang pawh hmangin, cosmetic procedure eng pawh ti mah ula, ka mitah chuan in mawiin; ni duhawm tak hmang vek turin duhsakna ka hlan a che u," tiin a fans-te chu a chah zui a ni.