Mipui ngaihven Kylie leh Timothee Kylie-i'n Timothee a va lenchilh ṭhin?

Kylie Jenner leh Timothee Chalamet te inkarin sawi zui a hlawh hle a, a rukin an lo inhmu ṭhin niin a lang. Kylie hian Academy Award-nominee hi a inah va kal chilhin, hun an hmang dun ṭhin niin khawthlang media-te chuan an tarlang.

Nimin khan Beverly Hills-a Timothee-a mansion-ah Kylie-i car, Range Rover dum chu hmuh a ni a, inzawmna thuk tak an lo nei ru tawh reng niin a ngaih theih. Heng thuthang karah hian Kylie leh Timothee-te chuan thuchhuah an la nei lo a, ṭhenkhat chuan Kris Jenner-i'n Hailey Bieber leh Selena Gomez drama daih hnua Kylie vawrh lar ta umna mai a ni, tiin an sawi thung.

Kylie chanchin inhrilh nawn kan ngai tawh lo. Tuna a kawppui nia an sawi kum 27 mi lemchanthiam, Chamalet hi 'Call Me by Your Name' aṭangin a rawn lar ṭan a, Academy Award, Golden Globe Awards, leh BAFTA Film Awards nominee-ah te lo lang tawhin, tleirawl zingah chuan a mikhual lo viau.

Eiza Gonzalez nen hun eng emaw chen an inzui hnuah kum 2020 khan an inṭhen a, Kylie hi rapper Travis Scott nen kum 2017-2023 inkarah hmangaihna kawng chhuk chho an zawh hnuah kumin kumtir lam khan an inṭhen thu hi an lo nemnghet tawh bawk a ni.