Zaithiam Mafaki ruangin an khua a thleng; Nizanah vui liam a ni

Pathian fakna hla sa ṭhin zinga mite hriat hlawh tak, Lalfakkimi (Mafaki) chu Pathianni tlai dar 5:45-a a chenna ina thia hmuh a ni a, nimin zing khan Civil Hospital, Aizawlah a ruang endik a nih hnuin an khua Tlangsang, Zampui, Tripura panpui a ni. Nimin tlai dar 5 vel khan Mafaki ruang hian an khua hi a thleng a, mi ṭhahnem takin an lo hmuak. Nizan khan vui nghal a ni.

Mafaki hi tunhmaa gospel singer lar tak ṭhin a ni a, amaha hla pui "Haleluiah Chorus" a sakna lo thlir tawhtuten a zaithiam zia leh a aw ṭhat zia an hmuh hmaih hauh lo ang Hei bakah, "Kohhran", "Lalpa Hriatna", "Kan khawvel ni", "Jeremia a au asin" tih hla te pawh a rawn larpui hman viau a ni.