Queen Elizabeth II aiin King Charles a lèt dawnin a hausa zawk

Britain lallukhum khumtir mai tur, King Charles ro hlut zawng chu USD maktaduai 600 chuang niin an chhutsak a, nikuma fam ta, a nu Queen Elizabeth (USD mtd 370) aiin a let dawnin a hausa zawk tih The Sunday Times Rich List chuan a tarlang.

King Charles hian England rama mi hmingthang - David Beckham leh Victoria Adams, Sir Elton John -te aiin rosum a ngah zawk tih an tarlang tel.

King Charles sum hmuhna te

King Charles hian a nupui hlui, Princess Diana nen aan inṭhen tihfelna atan khan pound mtd 17 zet a seng a, hei vang hian Prince of Wales leh Duke of Cornwall a nih laiin inrenchem takin sum a khawl chho a ni. Housing development, biscuit leh beer siamchhuah aṭang te, environmentalism hawi zawnga a thawhna avangtein a sum tam zawkte hi a lalut a ni.

Vogue-in an kawmnaah, King Charles chuan eng renchem mi a nih avangin light a off zung zung ṭhin thu te, thil hlui a bikin thawmhnaw hlui paih mai hreh chi a nih thute a sawi.