Kum 95 mi Brass band member-in Guiness World Record a siam

Derbyshire, England-a cheng, kum 95 mi, Tom Street chuan brass band-a rimawi tum rei ber record thar a siam.

Tom hi kum 82 chhung zet chu Heage Silver Band member a lo ni tawh a, Thawhṭannia record-a siam ṭum hian a tupa kum 21 mi nen band khatah hian an tel ho hman a, brass band music tum chu "hlimna min pe tu," tiin rimawi tum chu nuam a tih thu a sawi.

Tom hian kum 5 mi a nihin a cornet hmasa ber a hmuh hnuah, kum 14 mi a nihin band hi a zawm thu a sawi. Tom chuan record siam lam a ngaihtuah ngai loh thu sawiin, a member puite chuan pub-ah an hruai dawn emaw a tih laiin, band room-ah chawimawina dawng tura an hruai daih chu mak a tih thu a sawichhuak hial.

Tom-a tupa Louis chuan a pu nunah rimawi chuan thuk takin hmun a chang tawh tih sawiin, kum hnih mi lek a nih laiin cornet a pek thu leh, tun thlenga band kal theihna chhan pawh hi a pu (Tom) thawhrah vang a nih thu a sawi.