Gong Hyo Jin leh Lee Min Ho channa Space Romance Drama tlangzarh thuai tum

Gong Hyo Jin leh Lee Min Ho-te channa space romance drama “Ask the Stars” chu chan zawh a ni ta a, tlangzarh thuai an tum thu an sawi nghal bawk.

Production team chuan nimin khan thuchhuah siamin, April 12 khan shooting chu tluang taka an zawhfel hnuah, film-a khawih danglam ngai, post-production an buaipui nghal tih an sawi.

“Ask the Stars” hi romantic comedy a ni dawn a, space station-ah astronaut leh khualzin pakhat intawn dan leh, a hnua hmangaihna lipuia an zuan luh dan chanchin a ni.

Lee Min Ho hian gynecologist, Gong Ryong role rawn play-in, Gong Hyo Jin chuan astronaut captain Eve Kim lem a rawn chang thung ang.