Triller app-in TikTok a khum
Social video app Triller chu iOS App Store-a Top Free Apps No.1 a ni a, pahnihnaah hian byte app chu awmin, TikTok app erawh pathumna a ni thung tih Sensor Tower data chuan a tarlang.
Triller app hi TikTok anga video siamna tho a ni a, ṭhalaite'n an hmang nasa hle. Tunhnaiah TikTok app chu China sorkarin personal data an hriat ruk theihna hmanrua nia an rin avangin ram ṭhenkhatah an khap hial a, hei vang hian a hmangtu pawh an tlahniam lo thei lo a ni.
Hmun ṭhenkhata TikTok khap a nih tak avangin Triller app hi a rawn lar chho hle a, ram 85 App Store-a Top Free Apps zinga download hlawh ber a ni tih Sensor Tower data chuan a tarlang. US ṭhalaite'n Triller an hman uar hma hian ram ṭhenkhatah chuan a lo lar hle tawh a, he application hi July thla khan App Store-a India photos and videos section-ah download hlawh ber a lo ni tawh bawk.
Triller hmangtute hian video an siamin AI-powered software kaltlangin automatic-in an video hi a edit thei a, TikTok erawh a hmangtute'n an edit thei a, option tam tak dah a ni bawk. US-ah chuan Triller app download tu hi July 26 khan mi 5,675 an awm tawh a, August 2 khan mi 61,924 an awm tling tawh.