Garth Brooks-a'n Entertainer of the Year dawn duh tawh lo

American country singer Garth Brooks chuan Zoom kaltlanga press conference a neihnaah kumina sem tur Country Music Association Awards (CMA) award-ah Entertainer of the Year lak a duh tawh lo thu a sawi.

Kum 58 mi Brooks hian Entertainer of the Year (CMA) award hi ṭum sarih zet a lo dawng tawh a, nikum kha a lak hnuhnun ber niin he award dawng tam bertu pawh hi a ni. A lak zin em avang hian sawiseltu pawh a nei nual nghe nghe. Press conference a neihnaah hian Garth chuan vawi sarih lai he award a la thei chu vannei a intih thu a sawi a, tunah chuan midangte lak hun a ni ve tawh a ni, a ti.