Twilight TV Series a chiang!

Edward Cullen leh Bella Swan fans-te lawmin zuang ru le! Stephenie Meyer lehkhabu Twilight behchhana siam, romance fantasy film 'The Twilight Saga' chu television series a chantir a ni dawn tih official-a puan a ni ta.

Robert Pattison leh Kirsten Stewart-te channa Twilight film franchise hi film panga - Twilight (2008), New Moon (2009), Eclipse (2010), Breaking Dawn – Part 1 (2011) leh a film hnuhnung ber Breaking Dawn – Part 2 (2012) tihchhuah a lo ni tawh a, heng film pangate hian belhkhawmin USD tld 3.4 chuang a hailut tawh a, a lehkhabu hi copy mtd 160 chuang hralhchhuah a ni tawh bawk .

Twilight TV series-a chang tur hi puanzar an la ni lo a, hming langsar tak tak kan hmuh ngei pawh a rinawm. Tell Me Lies, The Walking Dead: World Beyond, leh Raised by Wolves-a a kuthnu kan lo hmuh tawh - Sinead Daly chu script ziak tura sawirik a ni.

Twilight Vs Harry Potter

HBO Max-in Harry Potter series an siam dawn tih thawm a rawn rik aṭanga hun rei vak loah Twilight TV series hi puanzar a ni leh a, lehkhabu hlawhtling tak pahnihah hian tu nge dingchang zawk dawn tih pawh hriat a chakawm tawh hle.