EDM dream team - Skrillex, Fred Again leh Four Tet Coachella closing-ah an che dawn!

Electronic-Dance-Music 'dream team' siam dawn ila anni bak an awm chuang lo ang tih theih khawpa huhang ngah leh skills nei ṭha - Skrillex, Fred Again leh Four Tet-te chuan khawvela music festival ngaihhlut ber pawl Coachella ah Pathianni hian show kharna an nei dawn.

Pathiannia show khar tura tih, Frank Ocean-a'n stage-ah ice-skating rink dah tuma ruahmanna a siam chu an remtihsak loh avang leh, a duh ang taka zai chhuak thei dawn loa a inhriat avanga a inhnuhdawk hnuah, anni pathum hi perform tura nemngheh an ni zui nghal a, Blink 182 nen stage-ah an rawn sapatal zui dawn a ni.

Hetiang thil hi vawi khat a thlenna a ni tawh lo. Nikum khan, headliner tura tih Kanye West chu opening day hmaa a inhnuhdawh avangin a aiawh tur hian Swedish House Mafia leh The Weeknd-te chu perform tura tih an ni leh ta zawk a ni.