SEVENTEEN-in K-pop record an siam

K-pop boy band SEVENTEEN chuan an album thar “FML” an tihchhuah hma hauh aṭangin record thar an siam!

PLEDIS Entertainment chuan thuchhuah siamin, SEVENTEEN hian stock pre-order maktaduai 4.64 a hmuh thu sawiin, K-pop record thar an siam. Hei hian SEVENTEEN record siamsa chu a rawn khum chiang hle a, an studio album palina “Face the Sun,” khan copy mtd 2 chuang awrh a hmu phak a ni.

SEVENTEEN album distributor, YG PLUS in ni thum chhung leka stock pre-order mtd 2.18 an siam chu a rawn khum tih sawiin, April 13 khan SEVENTEEN chuan stock pre-order mtd 4 chuang an hmuh a, kum 2020-a BTS studio album palina “Map of the Soul: 7” tihchhuah hnua copy mtd 4 chuang hmuchhuak leh thei hmasa ber an ni bawk.

SEVENTEEN hian April 24 , vawiin hian an mini album 10-na “FML” an tichhuak dawn a, hemi rual hian KST title track pahnih “Super” leh “F*ck My Life.” pawh an tichhuak nghal dawn a ni.